Nag mistulang Atlantis ang ibang Parte ng pilipinas ngayon dahil sa Bagyong Ondoy.

Ako ito ngayon gumagawa ng blog dahil wala man lang ako magawa para tumulong sa mga kababayan ko na biktima ng bagyo.

Masakit sa kalooban ko na panuorin ang mga kababayan ko sa TV na nag hihirap at humihingi ng tulong. Tapos ito ako nanunuod lang? hindi pede iyon. Pero pano.. Paano makakatulong ang isang tulad ko na student.

Gustuhin ko man tumulong wala ako magawa. Kung kasing yaman ko lang si “bill gates” hindi ako mag dadalawang isip na tumulong agad. Pero wala eh. wala talaga ako magawa.

Habang pinapanuod ko kanina sa TV ang mga biktima ng bagyong ondoy naasar ako sa aking sarili dahil hindi patas ang kalagayan ko sa kalagayan ng mga biktima ng bagyo. Dahil gusto ko din maranasan yung nararanasan ngayon ng mga biktima ng bagyo. Para patas, hindi yung para akong tanga na nag papakasarap lang dito sa bahay.

Nasa State of calamity ngayon ang bansa. Kumikilos na ang gobyerno para mailigtas ang taong bayan. Pero kumikilos nga ba sila?

Sa tingin ko hindi.

Dahil ang kumikilos lang ay yung mga gobyernong may kinalaman lang sa pag sagip at pag tulong pag may trahedya. Nasaan yung ibang gobyerno ng bansa? Natutulog? Nag bubulag bulagan?

Hoy! Kumilos kayo! Bato bato sa langit ang tamaan wag magalit! Kahit hindi sakop yan ng trabaho nyo, tumulong pa din kayo! Kailangan kayo ngayon ng Taong bayan. Ngayon kayo mag pakitang gilas. Pero Hindi Ito Panahon ng Pag papasikat. Walang Bida dito.lahat tayo biktima ng kaaway.

Ito lang ba ang dapat tumulong?

Phil. Red Cross

National Disaster Coordinating Council

Phil. Navy

U.S Navy

Phil. National Police

Dept. of Health

MMDA

Makati Rescue Team

Pasig Rescue Team

Marikina Rescue Team

Marami ang namatay dahil sa bagyong ondoy.

Marami din ang nawawala at kasalukuyang hinahanap pa ng mga rescue Team.

Marami ang natagpuan pero wala ng buhay, kanya kanya sila ng pwesto sa daan kung saan sila idinala ng baha, ilan sa kanila ay bata pa at hindi pa nakikilala dahil nabalot sa putik ang kanilang katawan..

Marami ang nawalan ng tirahan.

Marami ang nagugutom.

Marami na ang nag kakasakit

Marami ang napinsalang lugar.

Kung iisipin mo, tayo din ang may kasalanan kung bakit nagkaroon ng matinding pag baha. Isang pirasong plastic ng candy na tinapon mo lang sa kung saan saan. Isang Matinding Pag baha ang kapalit.

Ganyan gumanti ang Kalikasan. Sa bawat pag kakamali ng tao may matinding pinsalang kapalit.

Ngayon tuluyan ng lumayas si bagyong ondoy sa pilipinas. Pero ang kanyang pag alis ay nag iwan ng masamang bangungot sa mga taong bayan.

At kanina lang ay nag balita ang PAG-ASA na may nabubuo ulit na panibagong Bagyo. At dadaan ulit sa pilipinas.

Hindi pa nga nakaka bangon ang mga tao dahil sa hagupit ng bagyong ondoy. May panibagong banta na naman ang nag hihintay sa mga taong bayan.

Ako si Laurence Anthony A. Cortez at ito ang Reporters notebook